摘要：如果叫依家啲細路，攬住個冬瓜瞓一晚，佢會點呢？
廣州嘅冬天姍姍來遲，但系夏天肯定準時甚至提早到！
?
?
依家嘅天氣雖然未算熱到飛起，但系“想落雨又落唔出”嘅種悶熱，同樣惡頂！空調同“雨神大人”就系我哋嘅救星！
?
?
咁大家有冇諗過，二三十年前嘅廣州人，又冇空調、又冇“雨神”，佢哋究竟系點樣捱過夏天嘎？
?瞓竹席?
竹席，從舊時到依家，都系夏天唔可以缺少嘅物品。以前冇空調，阿爸阿媽最鐘意喺竹席上面灑啲水，跟住全家人一齊喺竹席上面玩，玩攰咗就直接喺上面瞓，一夜好夢。
?食西瓜?
冰凍西瓜用嚟消暑，真系一流！不過以前唔系人人都有冰箱。冇冰箱雪？咁西瓜點先會冰涼呢？舊時嘅人，會將西瓜用麻繩扎住，吊入井水里面，過一晚，西瓜就好似放喺冰箱里面咁冰涼！
?抱冬瓜?
以前空調好少，夏天熱瞓唔著，阿媽就會洗干凈個冬瓜，畀我攬住嚟瞓。
?大葵扇?
除咗冬瓜、竹席之外，葵扇都系夏天必備物品！一到夏天，隔離鄰舍都會擔張竹凳出屋外面，排排坐，吹下涼風，再攞起把大葵扇扇風，傾下偈，就咁過一日。
?防空洞?
聽老竇講，佢以前屋企附近有嘅防空洞，細路仔會成群結隊一齊入防空洞里面玩冒險。而大人就鐘意喺防空洞門口坐，特別涼爽。
?飲冰水?
細個冇錢出街飲汽水，就唯有喺屋企冰箱雪一支冰凍嘅開水，雪一晚，第二日飲，透心涼！不過阿媽話飲冰水容易屙肚，所以好少飲…
?
?食雪條?
以前屋企樓下嗰間士多仔，夏天雪糕雪條成日賣斷貨！以前雪糕冇依家品種咁多，價錢都唔貴，5毫紙就有一條，1蚊1條嗰種已經系奢侈了！水果味雪條、五羊紅綠豆批、蛋奶批、紅綠燈……好多都已經“絕種”啦。
?落河玩?
細個嗰時，啲河仲好清好干凈，夏天經常會同朋友仔去河邊玩水，又可以捉蝦、捉魚，不知幾開心。
?食綠豆沙?
知道今時今日，綠豆沙依然系解暑“極品”！小學嗰時一個星期一次體育課，太陽好猛好熱，上完體育課，人都會黑啲，阿媽見到我黑咗，就會即刻入廚房煲綠豆沙！
轉下眼，已經大個了。
?
依家嘅夏天依然好熱，但系屋企有風扇、有空調，冰箱里面有汽水、有雪糕……不過，就算有咁多解暑嘅嘢，但系我硬系覺得爭緊啲嘢！
?
如果叫依家啲細路，攬住個冬瓜瞓一晚，佢會點呢？
最新評論